美國 Lightspeed

CLS-309

電源處理器 (美式，6位)

原文 : Post76

電源處理咪即係濾波器??? 會唔會CUT頻架???

一直都諗, 電源處理係咪即係濾波器??? 咁咪會CUT左頻, 聲音出來會即時冇左高位同低位嗎??? 咁咪唔純正囉??? 經鳥哥一番指正之後, 先知道原來 CLS-309 用左一種名為複合磁性材料做成三枝類似白色濾芯的東西, 用佢地自家的專利技術來過濾左電源中的另音色變差的電源, 從而達至干淨清晰的效果, 而處理器內的每枝"濾芯"都會比不同的插位使用, 非常認真架. 而 LS309當中仲有一個名為「功率因數修正（Power Factor Correction）功能」, 可以改善交流電電壓同電流轉換相位差, 而且可以過濾市電中的 RFI、EMI干擾而且唔會影響電流的原整性.

∇ LS309有三組六個插頭位, 一組(兩頭)處理數碼器材的電源, 兩組(四頭)供模擬訊號的器材使用, 而且有二組仲訂明比擴音機用最好咁.

讓力水同低頻可去得更盡  獨家 Power factor Corrction 電源相位修正功能

上面都有提過, Lightspeed 就算係入門版本的 CLS-309, 佢內部一樣都有呢個 Power factor Corrction電源相位修正功能, 用以修正交流電電壓與電流的相位差, 說明談及其補償因子校正將交流電的電壓和電流的相位角差來做一個校正動作，從而使電壓和電流波相同。 有助將電力中的功率更有效地傳遞, 所以 CLS-309 對於電力的穩定性有幫助呢個功能絕對不能睇少.

∇ CLS-309 有六個插頭比大家使用, 一般來講都應該夠用, 而小瑟自己就用左 CLS-309 係 Pioneer SC-LX901 同 OPPO UDP-205上, 插哂係佢的 Digital 上做測試呢.

講多無謂炸機最實際  即試閃電俠效果

小瑟每次換上同聲音有關既野, 都會再用咪 AUTO CAL 多一次的, 因為其實每次換野, 就算係換一條簡簡單單的電源線都好, 成套機的聲音性格同取向都一定會唔同哂, 尤其係同電有關既野, 因為電源靚仔, 反映出來的效果係長遠同影響大的, 情況同大家入油用貴油情況一樣, 所以換上左 LS-309, 又係時間囉返枝咪出來見下世面, 執執個音場校正先啦!!!

∇ 今次就用以下三套來同大家測試一下, 《殺神 John Wick》唔洗問, 一定係試槍聲駁火位, 炒車聲之類. 《薩利機長：迫降奇蹟》我反而係想試下畫面的白位同實景的細節位. 《加州大地震》唔洗問, 一睇就知係用來試地震同…………@@ 架啦…..大家明架啦!!!XDDDD

先試 4K Atmos《殺神 John Wick》

找來的士高駁火一段, 畫面一開, 唔知係心理因素定係什麼原因勒, 眼看 John 在暗黑的環境下, 面部的線條細節竟然比之前睇多左野, 尤其係好似少了一層薄紗的感覺…@@"…….好, 說回音效先, 之前小瑟一直都覺得, 自從無用 Power Amp(後級)之後, 睇呢段 Disco 的環境低音唔係好夠喉, 總係有小小到喉唔到肺的感覺, 我簡稱係"唔夠扎實", 但換上左 CLS-309 之後, 感覺 Disco 上的環境低頻有返層次一層層咁打返出黎, 而中間開火之中夾雜好多不同的音效都分得好清楚, 而且每隻喇叭的沖程感都強橫左, 埋身感又進一步, 最攪笑的係, 當試完之後, 先發覺原來 LS-901 的音壓已經去到 -5 …..@@" 之前小瑟去到  -8 已經覺得炒耳, 依家竟然去到 -5 都仲覺得實淨乾爽, 真係感動呢!!@@"

再試床單白位《薩利機長：迫降奇蹟》

之前係一次活動上, 用上過百吋的投影幕播出 4K UHD 薩利機長呢幕, 至今仲係記憶尤新, 因為當日真係試過 1080p 藍光碟同 4K HDR 藍光 A/B 比較過, 就以呢幕來講如果白位出得唔好, 白色床單上的線條雖然都可以見到, 但無論布料中的材質, 白色的層次位都係好難睇得出有一些的立體感存在的. 而今次再一次睇返呢幕, 畫面明顯光了一點點, 雖然都同上次活動上用投影機上看到的呢份實在的質感仲有一段距離, 但戾好開心可以見到床單上的白位層次同材質的細節位都可以出到7成了………呢個進步, 對於未正式換 4K HDR電視的小瑟來說已好高興了呢!!!!@@"

再試震撼過大地震的《加州大地震》

搵呢套真係用來消暑啦, 最衰《沙灘救護隊》未出 , 如果唔係一定用《沙灘救護隊》試 Skin Tone……XD, 講笑炸, 我係D咁既人來咩???? 其實……..我係架~XDDDDD . 講真的, 呢套會試的就是海嘯殺埋來時果段, 大家如果仲有印象應該都會記得呢段大隻佬渣住隻快艇沖上個海嘯頂時, 突然有一架大船殺出黎, 之後佢地架快艇穿過架船的一幕, 就在呢段時 SUB仔已經忙過不停的同時, 頭頂位在快艇衝過大船的螺旋槳果一下, 上前置會清晰地聽到過頭聲, 由右至左, 一對喇叭再殺過頭既感覺, 好過引, 雖然果下好快, 但真係好好 FEEL 的, 如果大家都有呢隻碟, 不妨囉來試一下. 應該幾正的呢!!!^^"

Conclusion : 「連入門級電源相位修正呢下先係 CLS-309 最高C/P值的地方!!」

當年未玩得咁投入時, 成日都會諗玩電係咪真係咁大影響, 自從比大家毒害之後, 電源線, FUSE, 電制位, 總之換一換野成套器材都會比到一份"企理左"的感覺小瑟, 但大家千萬唔好諗住你套機一換線就會變左另一部機, 換電呢家野只係將你套機本身已經有的潛能重新發揮更多出來, 究竟你套機已經係最好的狀態定仲有好多野未出, 呢D野真係要試過先知的, 玩電的朋友有時講得興起, 會神化左玩電呢件事, 咁就會比人印象一講玩電就好似補藥黨咁呃人吹水云云…….!!!~_~ 講返隻 CLS-309, 小瑟本身都用緊一隻台灣的併聯拖板的, 當然果隻就冇濾波功能啦, 但價位都係同 CLS-309 相近, 都係4千多5千元, 本來都覺得幾好了, 發揮得唔錯了, 要力水有力水, 都叫夠厚聲幾岩我, 但換上左 CLS-309 之後先知, 有D位成個音場原來仲可以企得再穩D, 打埋來的低頻仲可以集中D, 呢個改善仲要原來唔係差好多錢呢下先吸引, 不過眼見 Lightspeed 仲有好多隻 MODEL 的電處可以再上, 呢一刻小瑟已經想想地直接殺上 CLS-609, 貪佢有八個頭, 可供 Digital 數碼器材的電源輸出有四組咁多, 夠哂用. 但多個位, 錢又多左………一諗到去呢度, 其實隻 CLS-309 都好似夠用勒喎…..^^"