德國 Sonoro

PRESTIGE

進 階 一 體 化 WiFi 網 絡 藍 牙 喇 叭 系 統

原文 : SPILL HK

【評測】Sonoro Prestige：3D Sound 床頭聽歌都有包圍感

之前都同大家測試過 Sonoro 這個德國品牌的一體式音響，除了外形靚仔吸引之外，音質都幾唔錯。今次借到手的 Prestige 屬於高階型號，比起之前試過的旗艦 Masterpiece 細一個碼，擺位會更方便一點，而比起較入門的 Stereo2 就多了網絡串流功能，播歌方面會更加實用。

支援 CD、藍牙、網絡串流

Sonoro Prestige 繼續照顧了實體唱片的用家，配備吸入式唱盤、支援 CD 播放。此外也內置了網絡功能，可以通過 LAN 或 Wi-Fi 連接網絡，支援 Spotify、網絡電台、DLNA、UPnP 等功能，而通過配套的 UNDOK 手機 App 就可以方便地控制 Prestige 播放手機、NAS 等不同裝置的音樂以及設定不同訊源，亦都最多可支援 5 隻喇叭組成 multiroom 系統。如果有時貪方便想用藍牙播歌都可以，Prestige 支援較高音質的 aptX 編碼。此外，比較特別的是藍牙除了接收之外仲可以傳送，有時不想打擾別人，或者深夜時分，用家可以連接藍牙耳機聽歌，以 Prestige 作為純播放器使用都得。另外亦都設有 3.5mm、RCA 及光纖輸入，輸出則有 3.5mm 耳機及 RCA，雖然係一體機但接駁都幾齊全。

Prestige 繼續支援 CD 播放，設有吸入式唱盤。

2.8 吋彩色屏幕配合實體按鈕，操控上相當方便，無論設定或者音樂播放都可以用遙控幾快捷地選擇到。

有齊光纖、RCA、3.5mm audio 等輸入，亦設有 RCA 及前面板耳機輸出。

機身底部則有獨立的 4 吋低音單元。

低音反射孔亦經過優化設計，提升表現。